Patay diha-diha ang biktima human kini gipusil ug giluba sa duha ka mga suspek didto sa Sitio Gigang, brgy. Guibo, lungsod sa Siayan, ning atong probinsya.
Naila ang biktima nga si Lito Bulatoc Ligal, 30 anyos menyo ug usa ka mag-uuma sa maong dapit.
Ang duha ka mga suspek mao sila si Juanito Anducas Ansaga, 39 anyos, ugangan sa biktima ug si Jeffrey Bulawan, 25 anyos, ulitawo pulos residente sa maong dapit.
Matod pa nga ang biktima ug ang duha ka suspek nag inom kini panimalay ni Temparan Bulawan ug sa wala madugay nagka bangi kini, di palang dugay.
Tungod sa maong panghitabo mi pauli nalang ang biktima uban sa iyang asawa, apan ang suspek misunod kini, sa walay daghang pangutana gipusil sa makadaghan nga higayon ginamit ang homemade nga pistola ug giluba pa kini sa makadaghan nga higayon.
Hinungdan nga dali nga mitaho ang asawa niini sa duol nga AFP detachment, malapuson usab nga naaresto ang duha ka suspek. Nakuha sa ila ang usa ka kutsilyo ug usa ka pistola.
Ang mga suspetsado nag atubang na sa kasong gipasaka batok kanila tungod sa ilang nabuhat nga salaod.
