CAUAYAN CITY – WALA NG BUHAY NANG MATAGPUAN ANG KATAWAN NG ISANG BINATILYO MATAPOS NITONG MAAKSIDENTE SA BRGY. DISTRICT 1, SAN MANUEL, ISABELA, KAHAPON, IKA-3 NG NOBYEMBRE.
SA NAKUHANG IMPORMASYON NG IFM NEWS TEAM SA SAN MANUEL POLICE STATION, ANG BIKTIMA AY KINILALANG SI ALYAS “DAVE”, 18-ANYOS, RESIDENTE NG BRGY. SAN PEDRO-SAN PABLO, AURORA, ISABELA.
AYON SA ULAT, ISANG BARANGAY KAGAWAD NA KINILALANG SI CRISANTO EVANGELISTA ANG NAKAKITA SA BIKTIMA NA NAKAHANDUSAY SA TABI NG ISANG SINGLE MOTORCYCLE KAYA NAMAN KAAGAD ITONG HUMINGI NG SAKLOLO SA SAN MANUEL POLICE STATION.
KAAGAD RING RUMESPONDE SA LUGAR ANG RESCUE TEAM NG SAN MANUEL UPANG SURIIN ANG BIKTIMA AT DITO NAKUMPIRMANG WALA NA NGA ITONG BUHAY.
SA ISINAGAWANG IMBESTIGASYON NG SAN MANUEL PS KATUWANG ANG ROXAS-MALLIG SATELLITE FORENSIC OFFICE, LUMALABAS NA BINABAYBAY NG BIKTIMA ANG BARANGAY ROAD PATUNGO SA NATIONAL HIGHWAY SAKAY ANG KANYANG MOTOR.
NANG MAKARATING SA PALIKONG BAHAGI NG KALSADA, NAG-OVERSHOOT UMANO ANG BIKTIMA AT NAGDIRE-DIRETSO SA IRRIGATION CANAL SA GILID NG KALSADA NA NAGING DAHILAN NG AKSIDENTE.
SAMANTALA, KUMBINSIDO NAMAN ANG PAMILYA NG BIKTIMA NA VEHICULAR SELF-ACCIDENT ANG NANGYARI SA KANILANG KAANAK.
