Cauayan City, Isabela- Nahaharap ngayon sa kasong may kaugnayan sa iligal na droga ang isang binata sa ikinasang buy-bust operation ng mga awtoridad sa Barangay Sampaguita, Solana, Cagayan.
Kinilala ang suspek na si Jaylord Dela Cruz, 18-anyos, laborer at residente ng Barangay Natappian East, Solana, Cagayan.
Nadakip ang suspek matapos mapagbentahan nito ang isang operatiba na nagpanggap na poseur buyer na kanyang katransaksyon sa loob ng isang hotel.
Nakumpiska sa pag-iingat ng suspek ang isang nakabilot na papel na naglalaman ng pinatuyong dahon marijuana, isang P500 peso bill, isang (1) caliber 38 na may tatlong bala personal nitong gamit.
Sinampahan na ang suspek ng kasong paglabag sa RA 9165 o “Comprehensive Dangerous Drugs Act of 2002” at RA 10591 or Illegal Possession of Firearms.
