CAUAYAN CITY- Tinangay ng rumaragasang agos ng tubig ang isang 14-anyos na lalaki na kinilalang si Juneil Crey Liwaliw Bagwan habang tumatawid sa Bayudan River sa Bugnay, Supang, Sabangan, Mountain Province.
Ang naturang insidente ay nangyari pasado alas otso kaninang umaga kung saan sinubukang makarating sa piggery ang biktima sa kabilang panig ng ilog.
Agad namang nagsagawa ng search and rescue operation ang hanay ng Local Disaster Risk Reduction and Management Offices (LDRRMOs) habang inalerto naman ang mga residente hinggil sa nangyaring insidente.
Samantala, pinapayuhan naman lahat ng nakatira malapit sa ilog na mag-doble ingat lalo na at malakas ang agos ng tubig sa ilog ngayong maulan ang panahon.
Facebook Comments
