Davao City- Nanawagan karon ang pamilya Tiongson sa publiko nga kung kinsa man ang nakakita o nakabantay sa mga tawong nanghilabot ug nag-ihaw sa ilang binuhing baka nga halos bukog ug ulo nalang ang nabilin, mamahimong muduol ug musumbong kanila aron sa hingpit masikop ug masilotan ang mga responsable.
Sa interview sa DXDC RMN Davao kang Ailene Tiongson Perez, anak sa tag-iyang si Berto Tiongson, gibutyag niya nga niadto pa ang iyang amahan sa gikahimutangan sa baka aron ibalhin, apan naluya kini sa iyang naabtan tungod kay ang baka wala na’y kinabuhing nabutalid ilawom sa kahoy samtang wala na ang ubang parte sa lawas sa may Campo 5 Talomo River, Calinan, Davao City.
Gilayong niduol na sila sa barangay ug kapulisan aron maimbestigahan ug aksyonan ang nahitabo apan nanghinaut gihapon ang ilang pamilya nga makig-alayon kanila kadtong mga aduna’y malumong kasingkasing nga duna’y mga kaalam o makatudlo sa mga nagbuhat niini aron wala na’y lain pang mabiktima.
RadyoMaN Ivy Parido
Facebook Comments
