BIR- Capiz nagpahanumdom sa ‘deadline’ sa pagbayad buhis

33

Roxas City, Capiz – Ginpahanumdon sang Bureau of Internal Revenue ang wala pa nakabayad sang ila buhis sa pagbayad sini para mapaiway ang penalidad.

Ginpahayag ni Revenue District Officer Eralen De Aro sang Revenue District 72 diri sa Capiz nga kinahanglan nga bayaran na ang ika-duha nga hugna sa pagbayad sang ila income tax.


Suno sa iya nga ang deadline sang ika duha nga hugna sa pagbayad sang income tax para sa tuig 2016 ang sadtong Hulyo 15, 2017 pa kag ang para naman sa tuig 2017 ang gintalana sang Hulyo 15, 2018.

Para naman sa taxable year 2018, ang deadline sa pagbayad sa ika duha nga hugna sang installment ang sa maabot nga Oktubre 15, 2019.

Suno kay De Aro nga para mapaiway ang penalidad, kinahanglan nga bayaran indi antes o kon sa amo nga deadline.

Sarang man, suno sa iya, makapalapit ang mga manogbayad sang buhis sa personnel sang BIR sa ila tagsa ka munisipyo.

via- PIA Capiz/Jemin B. Guillermo

Facebook Comments

From Advertisers