Davao City – Nasunog ang opisina sa Bureau of Internal Revenue Office 11 nga nahimutang sa Magallanes ning siyudad kagahapon bandang alas 8 sa kabuntagon.
Sa inisyal nga inbestigasyon sa San Pedro PNP ug subay usab sa sugilanon ni Mr. Edgar Ebuen ang electrical retainer sa nahisgutan nga buhatan, nakadungog matod pa og kusog nga pagbuto ang ilang gwardiya didto sa electrical room sa may ground floor ug gisundan kini og baga nga aso. Daling naka responde ang guard nga naka duty niadtong panahona ug iyang gipalong ang kalayo gamit ang fire extinguisher.
Gidugang ni Ebuen nga nibuto ang circuit breaker nga ilang gi installar hinungdan sa pag aso sa ilang buhatan.
Na deklara nga fire out ang insidente bandang alas 9:40 sa kabuntagon ug wala sab narekord nga na injured sa maong sunog.
Gibanabanaang mokabat sa P100,000.00 ang damyos sa maong sunog.
RadyoMaN Paul Canono
