Bird of Prey: To save our eagle online screening, libreng ipasundayag alayon sa pagsaulog sa Aldaw Ta Kitanglad

Libreng ipasundayag ang Bird of Prey: To Save Our Eagle online screening alayon sa pagsaulog sa “Aldaw Ta Kitanglad” karong adlawa, Nobyembre 3 hangtud 5, ning tuig 2020. Ang maong pasundayag gipangunahan sa Philippine Eagle Foundation sa pakig-alayon sa Provincial Government of Bukidnon, The Cornell Lab of Ornithology, Forest Foundation Philippines, Department of Environment and Natural Resources Region 10, Asian Heritage Parks Philippines ug Protected Area Management Bureau of Mt. Kitanglad.

Ang mubong documentary movie gihimo sa mga cinematographers nga silang Neil Rettig ug Laura Johnson diin kini naglaum nga sa pagtanaw sa mubong salida, makadasig kini sa mga katawhan nga protektahan ang mga agila ilabi na ang kalasangan nga ilang panimalay. Ang documentary movie adunay gitas-on nga moabot ngadto sa 45 minutos diin kini naghulagway sa kinabuhi sa usa ka talagsaon nga langgam sa tibuok kalibutan nga mao ang Philippine Eaglelakip na niini ang nasinati nga kalisod ug pagkinabuhi sa atong kalasangan.

Makita usab sa maong pasundayag ang mga tawo nga nagpaluyo, nagsakripisyo ug naghalad sa ilang kaugalingon pinaagi sa pagboluntaryo aron maluwas ang nagkagamay na lamang nga Philippine Eagle. Nasayran gikan sa Philippine Eagle Foundation nga dinhi sa Bukidnon ang adunay pinakadaghang pares sa Philippine Eagle diin aduna kini natala nga 11 ka paresan nga naa nabuhi sa atong kalasangan.
Ang ang Bird of Prey: To Save Our Eagle online screening pagabuksan pinaagi sa hamubo nga programa nga makita usab live sa facebook page ug account sa LGU Bukidnon Pgo PAIA magsugod sa alas 10:00 ang takna sa buntag ug gibana-bana nga matapos sa 11:45 ang takna sa kabuntagon. Lakip nga mohatag sa ilang mensahi si Gov. Jose Ma. R. Zubiri, Jr.,DENR Region-10 Executive Director Mr. Arleigh J. Adorable, CESO IV, Philippine Eagle Foundation Executive Director Dennis Joseph I. Salvador ug daghan pang uban. Aron makakita nga libre, bisita sa maong facebook page sa LGU Bukidnon Pgo PAIA ug pangitaa ang nakapost nga Bird of Prey: To Save Our Eagle online screening ug i-click ang link (bit.ly/AldawTaKitanglad3dR6wVe <l.facebook.com/l.php?u=https%3A%2F%2Fbit.ly%2FAldawTaKitanglad3dR6wVe%3Ffbclid%3DIwAR3RFGte-ITNaVvYigUboB0Ryg8ZmGG1ZZ-NemZiI-IOgkJKvVFwbphqMFA&h=AT1NXGOAO63J7UAQgE_xXsK0oYspK1WTNb7yek8oST_837KCkrvP…>) aron maka-register. Human maka-fill up sa registration form, inyong makita ang link sa maong movie nga ipadala sa inyong email address ug pwede na ninyo kining makita nga libre.


Ang online link sa Bird of Prey: To Save Our Eagle online screening makita lamang sugod sa 10:00 sa buntag sa November 3, 2020, hangtud alas 12:00 ang takna sa kagabhion sa November 5, 2020 Philippine Standard Time (PST). Gidasig usab ni Gov. Jose Ma. R. Zubiri, Jr. ang tanang empleyado sa Kagamhanang Probinsyal sa Bukidnon ug ang tanang katawhan sa probinsya nga mopartisipar ug motan-aw sa maong pasundayag.

Facebook Comments