Bise -Alkalde sang Bacolod positibo nga magadamo ang interesado magpabakuna matapos ang ceremonial vaccination batuk COVID-19 sa syudad

15

BACOLOD CITY- Positibo si Vice Mayor El Cid Familiaran nga magadamo ang mga Bacolodnon nga mangin interesado sa pagpabakuna kontra coronavirus matapos ang ceremonia vaccination kahapon nga pinakauna sa Western Visayas.

Sa interview sang DYHB sa chairman sang Bacolod Inter-Agency Task Force, nagapati ini nga madula na ang kahadlok sang publiko sa pagpabakuna matapos nakit-an ang pagpanguna sang lima ka mga doktor kag isa ka nurse nga gintublukan sang Sinovac vaccine sa Bacolod Government Center.


Aminado si Familiaran nga sa survey nga ginapatigayon karon sa mga kabarangayan, diutay ang mga Bacolodnon nga gusto magpabakuna kontra COVID-19.

Nahibaluan nga mismo ang ciudad sang Bacolod ang nagbakal sang kaugalingon nga AstraZeneca vaccine kag ginalauman nga magaabot ini sa bulan sang Hulyo 2021.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments