Dipolog City – Giawhag karon ni Most Rev. Severo Cagatan Caermare, D.D, ang Obispo sa dakbayan sa Dipolog sa pagtambong sa usa ka makahuluganon nga hitabo sa Simbahang Katoliko alang sa pagtak-op sa iyang gihimong imbestigasyon mahitungod sa pagkamartir ni Padre Francesco Palliola, S.J, usa ka misyonaryong pari nga italiano nga gipatay sa Punot ug karon Jose Dalman ning lalawigan sa Zamboanga del Norte.
Sa iyang sulat-mensahe sa Katawhan sa Dios, ang mipahibalo nga kini mahitabo karong Septiyembre 14, ning tuiga, alas 10:00 ang takna sa buntag sulod sa Holy Rosary Cathedral ning dakbayan sa Dipolog atol sa Kapisatahan sa Kadaugan sa Krus.
Dugang pa ni Bishop Severo Caermare nga gitunong sa maong kapistahan aron paghatag ug dakong kahulugan sa pagtahan ni Padre Palliola sa iyang Kinabuhi alang sa atong pagtuo ug pagkamatinud-anon niya sa iyang pagkamagsasangyaw isip usa ka misyonaryo.
Gipatay siya kaniadtong Enero 28, 1948 sa Ponot tungod sa iyang pagparog ug pag-depensa sa Kristohanong pagtuo.
Ang maong Obispo midugang sa iyang sulat-mensahe nga si Padre Palliola usa ka misyonaryong nga pari nga sakop sa Kapunongan ni Jesus o Society of Jesus nga nadestino sa Misyon sa Dapitan sa mga Tuig 1644-1648.
Natawo si Padre Palliola sa Nola, Italia kaniadtong Mayo 10, 1612. Isip usa ka misyonaryo, nahimo siyang magsasangyaw sa mga lumad nga Subanen sa tibuok kapupud-an sa Zamboanga Peninsula.
Sa pagtak-op ni Bishop Caermare sa imbestigasyon sa iyang pagkamartir, nagkahulugan kini nga ang maong kausa sa iyang pagkamartir ipasaka na ngadto sa kadaugan sa altar sa Dios isip usa ka Beato.
Niini, si Bishop Caermare nag-awhag sa pagtambong sa maong talagsaon ug makahuluganon nga hitabo ugmang adlawa Septiyembre 14, ning tuiga. (-r.m-)
