Davao City – Aduna gayuy mga panahon diin ang usaka nagmalinawong katilingban motomar na sa lig-on, makusganon ug mahukmanong mga aksyon aron panalipdan ang iyang kaugalingon gikan sa mga dautan.
Dili mamahimong wala kitay buhatong aksyon ilabi na kun ang ato nang survival or mismong kinabuhi ug ang kalingkawasan sa atong mga mahal sa kinabuhi na ang mabutang sa arang kadelikado ug kapeligrosong sitwasyon.
Ako kumbinsido nga ang atong Diyos sa Kalangitan usaka Diyos sa gugma, hustisya ug kaangayan kinsa andam mopasaylo sa mga nakahimo sa kasal-anan ingon man mopahamtang sa tukmang silot ngadto’s angayan.
Kargo usab sa estado ang pagseguro nga ang balaud ma-establisar alang sa interes sa mga but-an ug dili kay mokiling na hinoon ngadto sa mga kriminal kunohay ubos sa argumentong bisan ang mga dautan may katungod usab ubos sa balaud.
Apan mientras bukas ako sa ideya sa death penalty reimposition, the law must ensure that no innocent person goes to the electric chair or lethal injection.
Denhe mosulod ang importansya nga seguraduhon gayud sa atong mga awtoridad nga moganar ang balaud kun criminal justice system, nga kun nakahimo sa sala silotan pobre man siya o adunahan.
Kun matanum na unya sa hunahuna sa mga dautan nga dili ug dili gayud diay nila malutsan ang balaud ug nga tinud-on gyud sila sa higayon sa kumbiksyon, ako nagtoo nga ang kriminal magduha-duha na unya sa iyang niluog nga laraw – bisan pa kun walay silot-kamatayon.
RadyoMaN June Duterte
