TACLOBAN CITY – Ginsuspende na han Philippine Coast Guard (PCG) an biyahe han mga sarakyan pandagat ha tacloban City ngan ha Ormoc City, Leyte.
Ini in mahitungod han Gale Warning ngan Storm Signal No. 1 nga gin-isa han PAGASA ha Leyte, Southern Leyte, southern portion han Samar ngan ha Eastern Samar.
Ha interview han RMN kan PO2nd Mickiel Palacio han Tacloban PCG, an pampasahero nga sakayan pandagat nga nabiyahe la gihapon ha pagka yana in kinahanglan waray pasahero nga nakasakay.
“Nakakabiyahe gad ito nga mga passenger pero dapat waray hira pasahero kay it iba may pinapalit ngadi haTtacloban, dapat waray kaso pasahero.”
Basi naman ha impormasyon nga nakarawat han RMN tikang ha Ormoc City Government, ngatanan nga biyahe han fastcraft ngan mga barko in suspendido na tinikangan yana nga adlaw.
