Ginkanselar sang Phillippine Coast Guard Iloilo Station ang biyahe sang mga pumpboat halin sa siyudad sang Iloilo padulong sa probinsya sang Guimaras humalin alas 6 kagab-i bangud sa gale warning.
Ini ang ginpahayag ni Lt. Commander Perlita Cinco, Commander sang Coast Guard Iloilo Station.
Suno kay Cinco nga magapabilin nga kanselado ang biyahe sang mga pumpboat tubtub nagapabilin ang gale warning sang PAG-ASA.
Magluwas sa mga pumpboat, ginkanselar man sang Coast Guard ang biyahe sang Ocean jet padulong sa siyudad sang Bacolod.
Padayon naman ang biyahe sang dalagku nga fast craft kag mga RORO vessel.
Suno kay Cinco nga gilayon nga maga-resume ang biyahe sang mga pumpboat sa tion nga i-lift sang Pag-asa ang gale warning dala sang bagyo Falcon.
