Biyudong miluba sa duha ka babayi patay kasohan karong adlawa

Davao City – Gi-andam na sa San Pedro Police Station ang mga dokumento aron ipasaka ang kaso karong adlawa Enero 5, 2024 batok sa biyudo nga si Marcial Gonzales, 52 anyos, nga miluba patay sa duha babayi nga sila Cora Oral Ansagit, 20 anyos, ug 15 anyos nga si alias “Joy”, nahitabo alas 6:30 sa buntag Enero 4, 2024 sa Purok 1, Brgy.2-A, Davao City.

Sa pakighinabi sa DXDC RMN Davao kang Police Major Marvin Hugos hepe sa San Pedro Police Station gisulti niya, kasong murder ang atubangon sa suspetsado.

Nagpasalamat si Hugos, sa pagtinabangay sa kapulisan nga nadakpan ang suspect didto sa Barangay Kapatagan, Digos City, Davao del Sur kauban ang tabang sa sibyahan sa DXDC RMN Davao sa pagpakalat sa hulagway sa suspect pinaagi sa social media nga miresulta sa pagkasikop.

Gipasabot sa opisyal, ang suspetsado kanhi usab kini nalambigit sa pagdunggab ug napriso na, apan na-areglo ang kaso hinungdan nga nakagawas.

“Especially sa media paspas pod nga aksyon sa atong neighboring police station nga miresulta sa pagkasikop”,sulti ni Hugos.

Nahinabi usab sa DXDC News Team si Noli Indoy ang amahan sa 15 anyos nga biktima, maglisud pa og dawat sa gidangatan sa iyang anak ang brutal nga pagpatay. Gisulti niya, kung ang balaud sa tribo ang sundon angay usab patyon ang suspect.

RadyoMaN Don Pulayao