Andam nga mohatag ug igong seguridad ang kapolisan sa Central Visayas ngadto sa Bureau of Jail Management and Penology sa Negros Oriental diin nabilanggo karon ang unom ka gidudahang mga sakop sa New People`s Army (NPA).
Gitugyan na sa kapolisan sa lalawigan sa Negros Oriental ngadto sa provincial jail ang unom nga ilang nadakpan niadtong adlawng Sabado .
Ang Information Officer sa PRO-7 nga si Supt . Reyman Tolentin nibutyag nga giisip nga high risk ang maong mga dinakpan nga sakop sa NPA .
Matud ni Tolentin lakip sa angayang pangandaman sa kapolisan mao ang posibling pagbawos sa mga sakop sa NPA subay sa pagkasikop sa gitohoang mga miyembro niini didto sa Sitio Tumunon Barangay Luyang lalawigan sa Negros Oriental.
Ang mga nadakpan mao sila si Carlo Ybañez, Ajomar Indico, Randel Hermino, Joel Baylosis , Bernard Guillen ug ang bugtong babaye nga si Myles Albasin.
