Posibleng naggikan sa ‘black market’ kun iligal nga tinubdan ang pagkuyanap sa gihapon sa mga pabuto diha sa merkadohan sama sa ‘piccolo’ nga maoy sagad kawsa sa mga nabuthan karong tuiga panahon sa Bag-ong Tuig.
Sa news presser gipahigayon ni Department of Health Sec. Francisco Duque III, siya nagtoo nga ang problema wala denhe sa mga lehitimong firecracker manufacturers kon dili kadtong supply nga smuggled kon gikan sa mga ‘underground sources.’
Inisyal nga datos sa mga naangol gumikan sa pabuto kagabii ug kaganinang kaadlawom mao kadtong nidagkot ug niitsa sa maong matang sa pyrotechnics.
As of 10:50 karong buntag, dose-dosena na ang gikatahong nabuthan, duha ang naigo sa saag nga bala kalakip ang usaka 10 anyos nga bata sa Caloocan City ingon man ang usaka 27 anyos nga naangol sa multiple gunshot wounds.
Gawas sa nabuthan, gisugat usab sa nasud ang grabeng sunog sa nagkadaiyang parte kalakip denhe sa Davao City diin dul-an gatusan ka mga panimalay ‘made of light materials’ nisila-ob ug naabo gumikan sa gituhuang kwitis nga nasangit sa usaka live wire sa vicinidad sa Barangay Wilfredo Aquino, Agdao.
Matud ni Duque, itandi sa nanglabay’ng mga katuigan, maingon nato nga adunay natala nga ‘substantial reduction’ sa gidaghanon sa mga naangol sa pabuto atol sa pagsugat sa bag-ong tuig.
RadyoMaN June Duterte
