Davao City – Luyo sa pandemya nga nagapanghitabo karon gipaniguro sa Department of Education nga magpadayon gihapon ang pagtuon sa mga magtutungha.
Aron mapanalipdan ang mga estudyante sa sa pagtakod sa COVID nadesisyonan sa DepEd nga magpahigayon og blended learning diin ang usa ka estudyante magtuon pinaagi online, managlahing matang sa media o bin ba kaha gamit ang module.
Gani usa kini sa mga dagkong hagit sa mga magtutudlo diin nahimo usab nga isyu tungod adunay pipila ka mga errors sa module diin na-bash kini og taman sa social media ug nakwestyon na hinuon ang DepEd kung andam na ba gyod ang nasud alang niini nga matang sa pagtuon.
Kung si Alliance of Concerned Teachers (ACT Davao) President Reynaldo Pardillo ang pangutan-on, aminado kini nga daghan pang challenges giatubang karon ang maong matang sa pagtuon apan ilang gipaningkamotan nga dili kini mamahimong babag aron muundang sa pagtuon ang mga estudyante.
“The Department of Education is trying to come up with a visible and feasible output nga dili pud ma behind ang atong mga bata dili kay mag dula-dula lang sila unya ila lang kini gi-take for granted ang gihatag nato nga edukasyon sa ilaha sa tunga-tunga niining pandemya. Unta naa pud silay nakuha ug naa pud silay nakutlo ug ila pud magamit puhon.”
Dugang ni Pardillo padayon sab kini nga nag assess alang sa pag improbar sa blended learning.
“We have to reassess, revisit and reorient (ang teachers). Tutokan gyod nato ang assessment on how we are going to deliver our lessons and instructions to our learner.”
Kining pandemya nga giatubang nato karon nagtudlo kanato nga mahimong lig-on ug mamugnaon, inay manaway sa sayop sa uban, magtinabangay kita ug magdinasigay tungod kay alang gihapon kini sa kaayohan sa atong mga kabataan.
RadyoMaN Abi Bibera
