Blocking sang mga tribu sa Dinagyang, magasugod na karun sa gab-i

141

Wala sang dapat kabalak-an sa trapiko ang mga pumuluyo sa syudad sang Iloilo sa pagahiwaton nga blocking sang siyam ka tribu nga magapasakop sa ati tribes competition sang dinagyang festival.

Suno kay Mr. Robert Alor , chairman sang ati tribes competition sang dinagyang festival 2019 , alas 7:00 pa karon sa gab-i siraduhan ang pila ka mga dalanon sa syudad para sa blocking sang tribu Bola-Bola, Tribu Panayanon, Tribu Ilonganon, Tribu Dagatnon kag Tribu Paghidaet nga magasugod alas 8:00 sa gab-i tubtob alas 3:00 sa kaagahon.


Bwas nga adlaw sang Martes, Enero 22, maga-blocking naman ang Tribu Hugponganon, Tribu Barriohanon, Tribu Pan-ay kag tribu Salognon.

Ginpahayag ni Alor nga balantayan ang performances sang mga tribu bangud sa pila ka mga innovation.

Apisar sini, ginpasiguro ni Alor nga yara gihapon ang orihinal nga tema sang dinagyang.

Photo via Youtube//Tribu Ilonganon 2014

Facebook Comments

From Advertisers