Pandan,Antique — Dead-on-the-spot ro sangka 60-anyos nga lola matapos nga eab-on ko anang third cousin sa Brgy. San Joaquin, Pandan, Antique kahapon.
Nakilaea ro biktima kay Erlinda Jontiliano, samtang rong suspek nakilaea mat-a kay Romeo Jontiliano, 45-anyos tanan residente it nasambit nga lugar.
Suno kay PO2 Raffy Lucinio it Pandan MPS nga nakabaton kahapon it tawag ro andang opisna angot sa nasambit nga krimen ag gin respondehan.
Sa ginpatigayon nanda nga imbestigasyon nasayuran nga naga gaeab ro biktima sa eanas tag ginpaeapitan it suspek ag gin linabo nga nakaangkon it tama sa ueo, li-og, butkon, abaga ag alima nga gintunaan ko anang insigidang kamatayon.
Nasayuran man nga rong motibo sa nasambit nga krimen hay ro dating away angot sa eogta ag may ginpasaka nga kaso ro biktima kuntra sa suspek nga theft ag malicious mischief.
Sa makaron hay nagapailin nga at-large rong suspek ag padayon rong manhunt operation ko mga katapo it Pandan MPS.
