Positibo ang panan-awan ni Board Member Pablito Gemarino, Liga ng mga Barangay President sa probinsya sang Iloilo, sa postponement sang SK kag Barangay Elections.
Suno sa iya, indi na mabudlayan pa ang gobyerno nga ipa-idalom liwat sa training ang mga opisyal bangud nahanas na ang mga incumbent officials.
“Kon mag-eleksyon ka pa, basi maislan naman ni sila, bag-o naman nga group will come in kag another training and seminar will be held para sa ila lang , para mangin epektibo sila. . . .Ining mga incumbent barangay officials, has undergone several orientation, trainings and seminars so they are already equipped with the knowledge and skills on how to govern effectively.”
Gina-hangkat karon ni Gemarino ang mga barangay officials nga mangin aktibo sa ila pagpangalagad kadungan sa pagpalawig sang ila pagpanerbisyo.
