SYUDAD sang Iloilo – Ginapanugyanan sang Iloilo city boarding house commission ang publiko nga pillion ang boarding house, apartments ukon dormitories nga puy-an nga kumpleto ang permit gikan sa Iloilo city hall.
Suno kay boarding house commission Head Mr. Ben Palma kun may permit ang boarding house nagakahulugan nga nakapasar ini sa inspection sang nagkalainlain nga mga ahensya.
Ang isa ka boarding house dapat magcomply sa fire code agud mahatagan sang fire safety inspection certificate kag matinlo nga banyo kag kusina agud mahatagan sang sanitation permit.
Importante suno kay Palma nga komportable ang magaestar kag indi makatuga sang katalag-man.
Nahibaluan nga may 16 ka boarding house ang boluntaryo nga nagpanirado bangud indi makacomply sa requirements sang boarding house commission.
May 197 nga ginpadal-an na sang 1st notice of violation samtang may 48 nga nakabaton sang 2nd notice of violations.
Sa kabug-usan may 1,751 nga boarding houses, apartments kag dormitories sa syudad nga nainspect na sang commission.
1,481 diri ang may business permit samtang 270 ang wala kag may 1,390 ka mga complaints.
Sa may reklamo sa ila boarding house mahimo magtawag sa 333-1111 kag mapa connect sa local 508. //via Joel Franco
Photo from web
