Davao City – Mokabat sa 100K ang danyos sa nasunog nga tulo ka andang boarding house nga gipanag-iyahan ni Marilou Que sa Purok 8,Trading Boulevard, Brgy.37-D, syudad sa Davao.
Subay sa initial investigation ni FO3 Jarrissiah Pizarras, C.B. Bangoy Sr. Fire Station Investigator, nagsugod ang sunog gikan sa usa ka kuwarto sa ikaduhang andana ug paspas nga mikanit ang kalayo hinungdan sa pagkasunog sa mga kagamitan sa renters ug naapil pa ang balay ni Noel Surban diin lima ka pamilya ang apektado sa maong sunog.
Padayon pang gisusi sa Bureau of Fire Protection (BFP), ang hinundan sa sunog ug walay natalang casualty o nasamdan sa maong insidente.
Ang lima ka pamilya nakadawat na og pasiunang tabang sama sa pagkaon ug mga gamit gikan sa lokal nga panggamhanan ning syudad sa Davao.
RadyoMan Don Pulayao
