Davao City – Gikawat sa wala mailhing suspetsado ang 14,000 nga cash human gisulod ang usa ka boarding house nga gipanag-iyahan sa usa ka Lourdes Sinajon, nahimutang sa Brgy. 23-C Mini Forest, Boulevard siyudad sa Davao.
Subay sa blotter sa Sta. Ana PNP, nadiskobrehan pinaagi sa pagreview sa CCTV footage nga gisulod sa usa ka babaye ang iyang boarding house diin giabrehan sa suspek gamit ang usa plastic card.
Hinungdan nga usa niya ka boarder, ginganlan Charie Mae Dela Cruz, 20 anyos, estudyante, ang nakadiskobre nga nahanaw na ang maong kantidad nga cash nga gibutang sa glass nga container.
Nagtuo si Sinajon nga ang responsable sa pagpangawat mao ang suspect nga babae nga nisulod sa iyang boarding house.
Human sa panghitabo igo nalang sa pagpatala sa Sta. Ana Pnp si Sinajon aron niya paimbestigahan.
RadyoMaN Don Pulayao
