Davao City – Kapin P10,000 ang kantidad sa mga alahas nga nakawat sa wala pa mailhing suspetsado human gilungkab ang usa ka boarding house nahitabo alas-4:20 sa kaadlawon sa Brgy. 2-A, Magallanes ning siyudad sa Davao.
Personal nga mireklamo sa San Pedro PNP ang biktima nga nailang Maries Mendoza, 27-anyos, dalaga, nagpuyo sa nahisgutang lugar.
Saysay ni Mendoza, iya nalang nadiskubrehan nga gipugos og abri ang purtahan sa iyang boarding house ug nahanaw na ang iyang mga alahas sama sa duha ka relo nga mokantidad og P6,000, kwintas nga tag-P3,000, cellular phone ug laing upat ka bag.
Buot paimbestigahan sa biktima ang maong insidente hinungdan nga nagpatabang kini sa kapulisan.
RadyoMan Don Pulayao
Facebook Comments
