Davao City – Duha ka estudyanteng Indian Nationals ang nagpakitabang San Pedro PNP human gilungkab ang ilang boarding house alas 9:00 sa buntag kagahapon nahitabo sa Friendship St. House No. 1, Doña Vicenta Village, Davao City.
Sa Report gikan sa San Pedro PNP naila ang mga estudyante mao sila si Alamneni Sumedha, 20 anyos, ug Sawmya Akella, 20 anyos, pariho nagpuyo sa nasangpit nga lugar samtang ang suspetsado wala pa mailhi.
Matud pa samtang niabot sila sa ilang lawak nga girentahan, nakurat nalang sila sa dihang ilang nakita ug nasuta nga guba na ang purtahan sa ilang kuwarto ug nahanaw na ang Del Laptop nga kapin 40,000 ka pesos ug lain pang usa ka Oppo F3 Plus cellphone nga mobalor og kapin 28,000 ka pesos.
Nagtuo ang mga biktima nga gituyo ug lungkab ang ilang boarding house ug pagpangawat ang motibo sa suspek.
Human sa maong panghitabo igo nalang sa pagpa-blotter sa San Pedro PNP ang duha ka estudyante samtang ang kaso giduso na sa Investigation Section.
RadyoMaN Don Pulayao
