Gikan North ug paingon unta sa South bound area ang rider nga giilang si Abdul Jabbar Saripada Mutin, 38 anyos, minyo, ug residente sa Nalia Ville 11, Cabayugan Sasa, Davao City.
Nasuta sa imbestigasyon sa Sasa Police Station-Traffic Section, nagsunod sa Dump truck nga gimanehoan ni Jobert Navales ug pag-abot sa hitaboan miaksiyon og hinay ang truck gumikan sa trapik hatud sa konstruksiyon sa dalan maong misuway og overtake ang biktima apan tungod depektibo ang dalan napaingon ang motor sa wala nga bahin ug maayo pagkalabay sa biktima hangtud napasok sa ilawom sa dumptruck ug naguyod resulta sa mga bun-og sa kalawasan.
Daling miresponde ang Barangay Panacan Ambulance ug gisapupo ang biktima paingon sa SPMC apan gideklarang dead on arrival sa attending physician.
Gibasol karon sa pamilya ang daot nga dalan sa lugar nga maoy nahimong hinungdan sa pagkadisgrasya sa empleyado sa BOC.
Samtang ang driver sa dump truck temporaryo nang gipreso sa Sasa PNP samtang gihikay na usab ang kasong reckless imprudence resulting to homicide batok sa suspek.
RadyoMaN Joel Viray
