Davao City – Personal nga nakighimamat sa mga Overseas Filipino Workers (OFW) ug pamilyang benepisyaryo si Bureau of Customs (BOC) Commissioner Ariel Nepomuceno sa BOC Port, Sasa, Davao City niadtong Abril 8, 2026, aron makumusta ug ipahibalo nga padayon ang ilang pagpaningkamot aron mahatud na ang tanang mga balikbayan boxes nga dugay na nga wala mahatud tungod sa nagkadaiyang problema.
Matud ni Nepomuceno nga 11 ka mga deconsolidated forwarder courier companies ang pasakaan og kasong estafa, paglapas sa Customs and Tariff Act, criminal charges, ug uban pang paglapas aron masilotan sa ilang kapakyasan nga mahatud sa mga benepisyaryo ang tanang balikbayan boxes bisan og nasingil na nila kini.
Nasayran nga mokabat sa 147 ka mga container sa balikbayan boxes ang napakyas og hatud sa ilang mga tag-iya nga mokabat sa 42,000, samtang 85 porsyento ang nahatud na sa mga benepisyaryo, ug target nga mahatud ang nahabilin karong Abril.
RadyoMaN Bien Abanos
Facebook Comments
