Bodega sa PLDT, puno sa mga materyales

PC: RadyoMaN Jonathan Bullo

Puno sa mga materyales ang nasunog nga bodega sa PLDT.

 

Nasayran nga kini tungod kay bag-ong deliver ang maong materyales ug i-distribute na unta sa nagkalain-laing lugar sa region ten.

 

Matud sa Bureau of Fire Protection kon BFP pinaagi ni SFO3 Samson Villarde- nga migamit na sila og backhoe aron nga maukay og ayo ang  mga nasunog nga wires.


 

Dugang pa ni Villarde nga ilang gipasulod sa bodega ang backhoe ug giabayan og fire fighters ang matag kilid niini aron nga kini ang mobomba og tubig kung adunay siga sa kalayo nga mahitabo.

 

Padayon pa ang imbestigasyon sa Bureau of Fire Protection kon BFP sa pagkasunog sa bodega sa PLDT.

 

Matud ni SFO3 Samson Villarde sa BFP Carmen, nga sa karon dili pa nila masulti kung unsay hinungdan sa pagkasunog sa bodega.

 

Dugang pa ni Villarde nga tulo ka anggulo karon ang ilang gitutukan, ug kini mao ang electrical related incident,  mga dagkong baterya nga ginataud sa PLDT boxes  ug ang sunod sunod nga kainit sa panahon nga naghatag og spontaneous combustion sulod sa bodega.

 

Gikompirma usab ni Villarde nga aduna silay gikuha nga mga debris, aron kini ipaubos sa laboratory examination.

 

Samtang mikabat sa singko mil milyones ang gibana-banang damyos sa nasangpit nga sunog.

Facebook Comments