Davao City – Pinasikad sa Commission on Elections (COMELEC) Resolution No. 10924, Art. XIII, Sec. 346, ang Philippine National Police (PNP), magpakatag og COMELEC checkpoint sa lain-laing bahin sa nasud gikan 12:01 AM sa Agosto 28 ngadto sa Nobyembre 29, 2023 sa may 12:00 AM subay sa Barangay and Sanguniang Kabataan Election (BSKE) sa umaabot nga Oktobre 30, 2023.
Aron panalipdan ang publiko batok sa mga dautang binuhatan sa ubang pulis ug aron sab nga maproteksyonan ang mga pulis gikan sa mga sayop akusasyon sa mga tawo, nadesisyonan sa PNP ang paggamit og mga body cam sa mga checkpoint aron nga malikayan ang mga kakulian atol sa maong inspeksyon.
Apan gikanayon ni PNP Public Information Office (PIO) Chief Police Brigadier General Red Maranan nga tungod kay dili pa sakto ang gidaghanon sa ilang mga body cameras nga anaa sa 2,700, gitugutan sila sa Korte Suprema nga mamahimo nilang gamiton ang ilang kaugalingong recording device sama sa cellphone atol sa operasyon.
RadyoMaN Ivy Parido
Facebook Comments
