Roxas City, Capiz- Liwat nga ginvalidate sang hubon halin sa Police Regional Office (PRO)6 sa pagpanguna ni Police Captain Romeo Mallari ang compliance sang mga katapo sang kapulisan sa Capiz PPO may kaangut sa Body Mass Index (BMI) standards sang PNP personnel nga assigned sa Provincial Headquarters sa Camp Apil.
Suno kay PCPT Mallari, katuyoan sini nga mamonitor kag ma- assess ang pagsunod sang Provincial Headquarters lakip na ang mga police stations sa ginpapanaog nga Memorandum Circular No. 2019-005 sang Regional Office.
As of February 4, 2020, sa 76 ka mga “Obese” nga mga personnel, 9 na ang nag-iban ang bug-at kag na- categorized na gid lamang nga “overweight.”.
May kaangtanan sini, ginalauman nga mas doblehon pa sang 493 ka overweight personnel ang pagtinguha agud nga malab-ot ang husto nga BMI tubtob sa masunod nga bulan nga amu ang gintalana sang PRO6 nga target date.
(c) – Capiz PPO PCADS
