LAOAG CITY – Dead on Arrival iti Laoag City General Hospital ni Ilocos Norte Board Member Mariano “Nonong” Marcos II kalpasan a na-sroke daytoy iti uneg ti restroom iti Laoag City International Airport.
Segun iti report, nakaschedule daytoy nga agturong sadiay Metro Manila ngem nagderetso daytoy iti restroom ket ditoy metten a nakitada a nakaidda iti datar nga awan puotnan. Rumrumuar, nga immabot sangapulo ket lima a minutosen iti uneg ti banyo.
Naitaray isuna iti Laoag City General Hospital angem naideklarar isuna a dead on arrival alas 9:42 iti rabii.
Kalpasanna, inyakarmet ti kasinsinna isuda; Laoag City Councilor Michael Marcos Keon ken Vice Governor Angelo Marcos Barba ti bangkayna iti Baquiran Funeral chapel.
Aldaw sakbay a natay ni Marcos, nagturong paylaeng daytoy iti ili ti Vintar para ti Capitol Express a programa ti gobierno probinsial. Iti panagbitlana, kinunana a nakasaganan iti planona a date para ti asawana a ni Cecilia Araneta karaman iti tallo nga putotna iti aldaw ti sabado.
Maluksaw met ti pasamak ni Vice Governor Barba ken kinunana nga arigna kasla tagtagainep laeng ti napasamak ken nagsarita dapay laeng a dua – rabii sakbay ti napasamak.
Ni Marcos ket maysa a businessman ken nagserbi a bokal iti Iloco Norte manipud tawen 2004-2013. Putot daydi Pacifico Marcos, ading ni dati a presidente Ferdinand E. Marcos.
(Bernard Ver, RMN News)
