Kaangay sang iya apelyedo, timprano pa nga na eliminate si Carlo Paalam sang ini ang ginlutos ni Muhamad Redzuan sang Malaysia. Halos kontrolado sang Pinoy boxer ang hampang bangud sang malimpyo nga mga sumbag pero nalutos ini sa 5-0 nga desisyon.
Una ini nga hampang ni Carlo Paalam nga bugal sang Cagayan de Oro City sa SEA Games pagkatapos sang nakuha nga bronze medal sa 2016 World Youth Championships.
Makita sa ila hampang nga masami gina kuga, tiklod kag hakus sang tumandok sang Malaysia nga si Redzuan ang Pinoy nga si Paalam. Wala sang puntos nga gunbuhin ang referee sa Malaysian boxer bisan pa maathag nga madamo ini sang dinamak nga ginhimo.
Sa light-flyweight wala na sang paglaum pa ang Pilipinas pero sunod nga mahampang ang light heavyweight nga si John Marvin, lightweight nga si Charly Suarez kag bantamweight nga si Mario Fernandez.
