Davao City – Aron masigurong walay makalusot nga mga dautang elemento dinhi sa dakbayan atol sa pagpahigayon sa plebisito sa Bangsamoro Organic Law (BOL) didto sa Autonomous Region in Muslim Mindanao (Armm) karong adlawa nagpabiling hugot ang pagbantay sa Davao City Police Office (DCPO).
Matud ni PSI Ma. Teresita Gaspan ang tigpamaba sa DCPO nga gimanduan na ang tanang station commanders nga dili iubos ang ilahang alerto diha sa ilahang mga areas of responsibility.
Nagpabiling hapsay ug walay mga kakulian ang syudad apan sumala ni Gaspan nga wala sila magkumpyansa sa mga pweding himuon sa mga dautang elemento kinsa usab babag sa BOL.
Doble ang pagbantay sa kapulisan sa checkpoints, mall, simbahan, terminals, airports ug uban pang mga point of convergence subay usab kini sa nahitabong Cotabato City Twin blasts Dominggo sa gabie pila ka oras una ang botasyon karong adlawa.
Subay niiini adunay ikasa nga Police Riders Response in Davao (PRRD) Night Ride sa pagpanguna ni PRO XI Regional Director PCSupt. Marcelo Morales.
RadyoMaN Aimee Guinita
