Gin bawian gid sang kabuhi si Jonny Navigar, 41 anyos kag residente sang Pali-Benidicto, Mandurriao matapos mabun-an sang buckle knife sa sulod sang bulangan sa distrito sang Mandurriao alas 11:00 kagab-i.
Sa imbestigasyon sang kapulisan nga naga inom inom ang biktima sa entrada sang bulangan upod ang suspek nga gin kilala sa kay Jonelo Naelga, 44 anyos kag residente sang Isabela Negros Oriental sang gulpe lang ini sila ang nag initay kag nag gabot sang buckle knife ang suspek sa iya hawak kag pakal nga gin buno ang biktima nga naigo sa wala nga portion sang iya lawas nga gin tunaan sang iya kamatayon.
Nagpalagyo ang suspek matapos ang insidente kag gin pangita sang mga kapulisan sa sulod sang 30 minutos apang ini sya ang nadakpan sang sya ang nag butwa halin sa lamawan sa likod sang bulangan bangud indi maka agwanta sang baho kag kalamig.
Gin ako sini sa kapulisan ang insidente apang suno sa iya indi nya hungod ang natabo.
Preso karun ang suspek sa Mandurriao PNP kag natalana nga paga pasakaan sang kaso nga Homicide.
