Davao City – Ang bolunterismo kun ‘spirit of volunteerism’ kasagaran nagahimo niini mao ang mga non-government organizations (NGOs) sama sa Kabalikat Civicom 995 Davao City Chapter, usa ka non-government rescue operation.
Sumala ni Prime Cruz, Kabalikat Civicom 995 Davao City Chapter member, ang ilang organisasyon adunay duha ka matang sa pagserbisyo nga libre ‘in the spirit of volunteerism.’
Matud ni Cruz, adunay duha ka matang sa pagserbisyo ang ilang ginatanyag nga mao ang pagrescue ug pagpangandam.
Giklaro ni Cruz nga kaniadto, prayoridad nila ang pag-rescue kung adunay mga mahitabong emerhensiya sama sa linog, sunog , disgrasya sa kadalanan ug uban pa, apan karon ang focus mao ang pagpangandam kontra kalamidad pinaagi sa ginapahigayong mga Earthquake Drill, Fire Drill, seminars o training sa kabarangayan, eskwelahan, opisina ug mga balay-pamatigayon mahitungod sa mga nagkadaiyang pagpangandam.
RadyoMaN Bernard Pantallon
