General Santos City – Patay sa operasyon sa militar ug kapulisan ang Bomb Expert ug sakop sa Maute Terror Group nga anaa usab sa arrest order sa Department Of National Defense ganinang kadlawon sa Zone 3, Block 5, Barangay Fatima, Gensan.
Giila ang suspek nga si Najib Pundug, legal age, taga Marawi City ug kasamtangang naga renta og usa ka balay sa nasangpit nga lugar.
Nasayran nga gisulod sa kapulisan ug kasundaluhan ang girentahan nga panimalay sa suspek apan tungod nakamatikod kini iyang gipusil si PO3 Jerry Teo sa Regional Mobile Force Batallion-12.
Matod pa naigo si PO3 Teo sa likod samtang patay si Pundug human kini gipusil sa kapulisan.
Narekober sa kapulisan sa dinakpan ang usa ka ISIS black flag, duha ka Hand Grenade, ug mga materyales sa pagbuhat og Improvised Explosive Devise.
Source: RMN Gensan
