[image: Bomb-Scare.jpg]
Nagnegatibo ang resulta sa bomb scare nga nahitabo sa Polomolok South Cotabato og General Santos City human marespondehan sa kapolisan og kasundalohan.
Kahibaluan kagabie bandang alas 10 ang takna malampuson nga nakapahigayon og disruption ang EOD Team sa kapolisan human nga gitaho sa concerned citizen sa munisipyo sa Polomolok na may sako unod ang bug-at nga butang ang gibilin nga nakamugna og kalisang sa mga residente nga nagsaulog sa opening sa Flomolok Festival.
Giangkon ni Chief Inspector Alex Joe Orcajada nga may nadunggan nga pagbuto apan iya kadto sa prosesong gihimo sa EOD sa pagdisrupt sa suspected ordnance.
Nasayran nga sako kini nga may unod nga basura og gipalawman ang mga dagkong bato rason nga nibug-at.
Samtang niaging kadlawon negatibo sa unsa mang matang sa eksplosibo ang napalgang maleta kilid sa PS Bank Santiago Branch human nasuta sa EOD Team sa PNP og Joint Task Force GenSan.
Usa ka basurero ang nibilin matod pa sa maong maleta base sa pamahayag ni SG Ricric Villegas.
