Davao City – Personal nga midangop ang usa ka Glaiza Conseman Siega, 32 anyos, residente sa may SIR Phase 1 Sandawa Matina ning siyudad tungod adunay bomba sa sulod sa iyang establisemento nga ginatrabahuan.
Sumala sa rekord sa San Pedro PNP nga nakadawat siya og text alas 5:40 kagahapon nga adunay bomba sulod mismo sa iyang gikahimutangan nga buiding sa Magallanes St. kanto Legaspi ning syudad.
Sa kabalaka sa maong complainant, dali siyang nangayo og pakitabang sa Central 911 dayon daling miresponde apan sa pagsuta nila, negatibo ang maong bomba.
Hinoon bisan pa man negatibo, nagpahimangno sa kanunay ang atung awtoridad nga sa kanunay mag-igmat ang katawhan ilabi na sa ingon niini nga klase sa mga insidente gumikan ang katawhan mao ang numero uno nga makatabang sa paghatag og mga pasiunang impormasyon.
Kapolisan ginasuta na kun kinsa ang nanag-iya sa mao nga numero nga nagtext og dili maayong impormasyon nga nakahatag og eskandalo sa nahisgutang lugar.
RadyoMaN Paul Canono
