Mga personajes del ZCPO Bomb Squad ya fuede recuvri con el un vintage bomb que ya fuede grevata el mga construction worker del Nurben Construction dentro del Boalan Elementary School enantes aga.
Pasada alas-onse del aga cuando ya llama police assistance el foreman del construction site cay mientras ta grevata sila oyo para emplasta el fundaccion y matting del mga poste del edeficio de escuela,cuando ya fuede trompeza el uno del mga trabajador con el un yero que ya fuede descuvri un bomba gale.
Cuando ya llega el personajes del bomb squad ya tringca sila conesre y ya man pingga pa apuera del lugar donde ya fuede engcontra.
Asegun con SPO2 RUBIO del bomb squad,un 250pounder WW2 drop bomb el cosa ya engcontra con largor de un braza y un piez el anchor. Posible pa asegun rebenta el mensyonao bomba si ya fuede coneste trompeza na su “primer” que activo pa syempre.
Con el explosiva ya lleva para na headquarters del bomb squad na Camp Batalla por el propio disposisyon. -Bhong Simbajon/RMN News
