Bombero gilumpong sa paglugos ang iyang 3 ka dalagitang anak

Davao City- Gibalhog sa selda sa Talomo PNP ang usa ka amahan human akusahi nga nanglugos sa iyang 3 ka mga menor de edad nga mga anak babae sa SIR New Matina, Davao City.

Ang suspek gilla nga mao si alyas Joaquin, hamtong ang pangidaron, usa ka bombero, nga naka destino sa New Corella Davao Del Norte nga dali usab mihimakak sa akusasyon batok ngadto kaniya.

Sa imbestigasyon sa Women and Children’s Protection Desk sa Talomo PNP, nasakpan mismo sa asawa ang iyang bana nga gi hikap ang pribadong parte sa lawas sa 13 anyos nga menor de edad sulod sa ilang pinuy-anan.
Matod pa sa imbestigador, nagpositbo usab sa mediko legal nga nahilabtan sa amahan ang iyang anak.


Sumala sa kapulisan, duha ka tuig na nga giabuso sa amahan ang iyang dalagitang anak.
Nasayran usab nga duna pay anak nga kambal ang suspek nga biktima usab sa pagpangabuso.
Kasamang Aimee Guinita

Facebook Comments