Samtang nagkaduol na ang piniliay karong umaabot mayo 13, 2019, subsuob usab ang paglibot suroy sa mga kandidato gikan sa nasyunal ug lokal.
Usa na niini mao si Kanhi Sen Bong Revilla, nga walay nay tulganay ug focus gayud sa iyang pagpangompanya sa nahabiling lima ka mga adlaw alang sa ilang pagpaila ug paglatag sa ilang plata porma de gobyerno kun ugaling ibalik siya sa pagka senador.
Sa pakighinabi ngadto kang Sen. Revilla iyang gibutyag nga iyang tagaan gayud ug dakong pagtagad ang paghatag ug desenteng sweldo ngadto sa mga mamumuo, maayong panglawas sa mga mamumuo, ug paghatag ug maayong pagtagad sa mga senior citizen.
Gani daghan kaayong taga Zamboanga Peninsula ang nalipay sa iyang mga plano sa dihang siya mibisita sa nagkadaiyang probinsya sa rehiyon 9.
Naglaum usab si Sen. Revilla nga dili gayud magduha-duha ang mga katawhan nga suportahan siya sa iyang kandidatura para senador tungod kay dili usab ika lilong nga daghan siya ug nahimong mga balaod sa dihang nahimo si Revilla ug senador.
