Bongbongon Elementary School 1st Grand Alumni Homecoming, gipahigayon

PC: RadyoMaN Anne Jane Duhaylungsod

Gipahigayon sa Bongbongon Elementary School sa NHA Barangay Kauswagan ning dakbayan ang ilang 1st Grand Alumni Homecoming karong adlawa.

 

Kini dunay temang Balik Lantaw: Panagtabu ug Pag-ilhanay!

 

Ang mga batches nga mitambong sa maong alumni homecoming nagsugod sa tuig 1986-2017.


 

Matud ni Mr. Santiago Solido ang unang principal sa maong tunghaan nga wala niini damha nga sa 32 ka tuig iyang nakita ang mga kabag-ohan sa maong tunghaan ug nagkahiusa ang tanan aron mahinayon ang pinakaunang alumni homecoming nga matud pa nagsugod lang ang maong tunghaan sa duha ka classroom.

 

Gikabutyag usab ni Dr. Pedrita R. Jordan kinsa kasamtangang principal sa Bongbongon Elementary School nga “grabeh ka bibo ug bongga” ang maong alumni ug iya matud pang nakita nga ang mga produkto sa maong tunghaan mga successful ug now mga somebody sa community.

 

Niini, nanghinaot si Dr. Jordan nga mahimo ng annual ang maong okasyon tungod usab sa supporta sa tanan ug labi na nga aduna nay mga opisyales nga natudlo nga maoy organisar sa mga mo sunod pa nga mga alumni homecoming.

 

Ang 1st grand alumni homecoming sa Bongbongon Elementary School dili mahimong possible kung wala kini gipaningkamutang mahinayon ug giorganisar nilang Ms. Rowena Bago Trayfalgar ug Mr. Ralph Abonitala sa batch 1995.

Facebook Comments