Davao City – Patay ang usa ka driver human mibangga ang sakyanan nga iyang gimaneho alas-7:30 ang takna sa gabii sa Prk. 2 Bgy. Linda Nabunturan Compostela Valley adlaw’ng Martes.
Ang namatay giila sa kapolisan nga si Ronel Juson, 31 anyos, residente sa Prk. Albor Brgy. Poblacion Compostela.
Sumala sa report nga nahipos gikan sa Nabunturan Municipal Police Station, nasayran nga naglawig ang Kia Bongo dunay temporary plate no. 1201459072 nga gimaneho ni Ronel Juson nga gikan sa syudad sa Tagum padulong sa lungsod sa Compostela.
Apan pag-abot sa nahisgutang lugar aksidente nga mibangga sa likod nga parte sa trailer truck nga nakaparada sa kilid sa kalsada nga gimaneho ni Ruby Momo, hamtong ang edad, residente sa Prk. 5 El Salvador New Corella Davao del Norte.
Gidali sa pagdala ang driver sa Bongo truck ngadto sa pinakaduol nga balay-tambalanan apan gideklarang dead on arrival sa mga mananambal, samtang ang driver sa trailer truck boluntaryong mitahan sa iyang kaugalingon ngadto sa kapolisan.
RadyoMaN Juls Catisay
