Davao City – Sugod karong adlawa (November 17, 2021), mamahimo na nga maka-avail ang healthcare workers og booster doses sa bakuna batok Coronavirus Disease 2019 (COVID-19).
Sa advisory nga gipagula sa Department of Health (DOH) labot sa booster shots, mamahimong mahatagan niini kadtong medical frontliners nga una nang gihisgutan sa City Government of Davao ug DOH-XI.
Base sa Emergency Use Authorization (EUA) nga giisyu sa Food and Drug Administration (FDA), girekomenda sa DOH ang paggamit sa Moderna, Pfizer ug Sinovac vaccines isip booster doses, regardless sa unsang bakuna ang unang nagamit sa healthcare worker o sa Priority Group A1.
Samtang, Sinovac ang himuong booster niadtong una na usab nga nabakunahan sa maong vaccine brand.
Sundon usab alang niini ang guidelines nga gi-release sa National Vaccine Operations Center (NVOC).
Una nang nagpahimangno si Davao City Mayor Sara Duterte-Carpio sa publiko nga gilayong i-report sa Anti-Scam Unit sa lokal nga gobyerno ang mga insidenteng pagpangilad aron makakuha og booster shots batok COVID-19.
RadyoMaN Kirby Manzon
