KALIBO, AKLAN — Ro isla it Boracay ag banwa it Kalibo rong may pinakamaabo nga kaso it panakaw sa buean it Hulyo base sa record it Aklan PPO.
Suno kay SPO1 Nida Gregas, Public Information Officer it Aklan PPO umpisa Hulyo 1 hasta 31, 2017 hay may una nga 157 ka mga index crime ag 311 ka mga non index crime ro andang naha record kung sa siin ro isla it Boracay hay may 142 ag ro banwa it Kalibo hay may 139 nga total crime volume ag Buruanga ro pinaka sangkiri nga may 2 eamang.
Sa Index crime nga gina kaeakipan it crimes against property ag against person hay ro Physical Injury 87, Rape 6, Theft 56 nga isla man it Boracay ag Kalibo ro may pinakamaabo, Murder 4, Motor napping 7, Robbery 4 ag Homicide 3.
Bangud kara gina intensify eon ro intel monitoring para nga ma monitor it mayad ag maimbestigahan man it mayad eabi gid sa isla it Boracay nga eaban sa mga naga pa blotter hay ro mga foreign tourist nga naduean hay paga imbestigahan it mayad bangud nga ro iba nagaparecord eamang agod makabuoe it certification ag maka buoe it insurance pag abot sa andang lugar.
Naga eaom man ro Aklan PPO nga maga naba pa gid rong kaso it panakawan iya sa Kalibo bangud man ko pagka aresto it pila ka mga notorious nga manakaw.
Nagpaandam man si Gregas sa mga mahilig magpatigayon it Illegal Gambling nga likawan bangud nga uwa naga untat ro aton nga mga kapulisan para nga tapnaon raya.
