Nagpaguwa sang panibag-o nga listahan ang Boracay Inter-agency Task Force sang mga establisyemento nga ila ginhatagan sang pahanugot nga mag operate sa isla.
Sa updated nga listahan sang Department of Tourism (DOT), naglab-ot sa 353 accommodation establishments nga may kabilugan nga 12,907 rooms ang accredited sang ahensya nga pwede madayunan sang mga turista kag bakasyunista sa isla sang Boracay.
Nagpahanumdom man ang Boracay Inter-agency Task Force sa mga may luyag magpadulong sa isla nga ang mga hotels kag resorts nga yara lamang sa listahan sang DOT ang pwede nga magbaton sang bookings kag reservations para sa pila ka adlaw nga bakasyon.
Sa karon, limitado pa gihapon sa 6,405 ang numero sang mga turista nga ginapahanugutan nga makasulod sa isla kada adlaw.
(photo credit to the owner)
