Malay, Aklan – Matawhay kag masubo ang sitwasyon sang Boracay Island sa una nga adlaw sang ginapatuman nga total closure.
Indi kapareho sang naandan, nga linibo ang mga nagadagsa nga turista.
Ginpatuman na kaina sang aga ang pagsara sang Boracay Island nga magalawig sa anum ka bulan.
Katuyuan sini nga mapaidalom sa rehabilitasyon ang nasambit nga isla agud manumbalik ang katahum sini.
Nagpatigayon na kaina sang clearing operations ang Task Force nga ginapangunahan sang DENR, DILG, PNP kag iban pa nga mga government agencies.
Magapatigayon man sang demolitions sang mga buildings kag structures nga nagbayolar sang environmental laws.
(c) Cherwin Arojo
Facebook Comments
