Davao City – Gistriktuhan pa sa Davao Region ang matag border control batok bag-ong COVID-19 variant.
Sa ekslusibong interbyu sa RMN Davao kang Department of Health XI Regional Director Dra. Annabelle Yumang , gibutyag niini nga hugot nga gabantay ang mga awtoridad sa movement sa mga tao nga musulod sa rehiyon.
Sa gipahigayong meeting sa DOH XI ug mga Provincial Health Officers, usa sa mga gitutukan ang Davao Occidental diin duol dinhi ang silingang nasud Indonesia.
“Sa Davao Region ang pinakaduol sa atoang border ang Indonesia, maong gahapon during our meeting with the Provincial Health officers labaw na sa Davao Occidental naa man diha ang ga-backdoor, grabe na ang ilahang pagimplementar sa border control,” sumala ni Yumang.
Gipangandaman sa DOH XI ang posibleng holiday surge busa gawas sa Southern Philippines Medical Center (SPMC), gadawat na ang mga private hospitals ug mga COVID-19 related cases.
RadyoMaN Aimee Guinita
