Nagpatuman sang border restriction kag community quarantine si Governor Arthur Defensor Jr. Sa probinsya sang Iloilo.
Ini ang nag-umpisa subong nga adlaw, Marso 15, 2020 hasta Abril 14, 2020.
Santu sa executive order no.028-c, indi makasulod ang mga tawo sa probinsya sang iloilo magluwas sa :
1. Government officials kag empleyado nga may mga katungdanan
2. Medical personnel kag health workers/ humanitarian workers nga may katungdanan angut sa COVID-19
3. Mga residente sang Iloilo city nga nagapadulong kag nagahalin sa probinsya sang Iloilo
4. Mga nagabalik nga residente sa probinsya kag syudad sang iloilo ( may yara lang sila sang tubtob marso 17,2020 agud makabalik sa iloilo.)
Hugot naman nga monitoron sang probinsya ang mga naga-deliver sang goods kag services .
Suno pa kay defensor nga pinaagi sa community quarantine, malikawan ang paglapta sang virus .
Nagapangabay man siya kag nagahingyo sa mga pumuluyo nga kon wala man lang sang importante nga kadtuan, likawan ang pagpadulong sa mga lugar nga madamo sang tawo.
Ginaabisohan man ang tanan nga mga manufacturing, retail kag service establishments sa probinsya nga magpabilin nga bukas.
Dapat i-obserbar man sang mga ini ang istrikto nga social distancing.
Suspendido man ang klase sa tanan nga level sa probinsya sang Iloilo tubtob Abril 14.
