Sa intebyu sa DXDC RMN Davao kang Vergie Bastes, usa ka botante nga taga New Matina, Barangay 76-A, Davao City, gisaysay niini nga wala siyay problema sa pagpahigayon og debate diin pinaagi niini mas mailhan pa ang kandidato kung unsa ang ilang ginaduso nga plataporma ug ang pagtubag sa nag-unang isyu sa nasud.
Apan gipunto ni Bastes, adunay katungod ang kandidato nga mudili sa mga debate rason nga dili sila angay pahamtangan og silot.
“Okay ra man kung gusto sa usa ka kandidato nga mag-apil sila sa debate. Pero ingon nga i-sanction sila, dili pwede na oy. Katungod man pud na nila,” matud ni Bastes.
Gikanayon ni James Jimenez, tigpamaba sa COMELEC nga base sa ilang kasabutan uban ang mga kandidato nga ang mga dili muapil sa debate, dili makagamit sa e-rally channels sa COMELEC hangtud nga mahuman ang campaign period.
“One of the agreements is that if they skip the debates then they will not be able to air their e-rallies on our e-rally platform,” matud ni Jimenez.
Ang e-rally channel, usa ka social media platform sa COMELEC kung diin i-ere ang campaign videos ug livestream events sa national candidates pinaagi sa Facebook.
Magbutang usab ang COMELEC og bakante nga podium niadtong kandidatong pakyas nga mutambong sa debate.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
